Bakı 18°C
Əbülfət MƏDƏTOĞLU: BİGANƏLİYİN ŞEİRİ
Anlar illərə dönür
İçimdə işıq sönür...
Mənimlə bir eşq ölür -
bilmirsən...
Asılıram gumandan
Dağdan enən dumandan...
Səndən umud umanda -
dinmirsən...
Sevə - sevə bu baxdı
Sapa düzürəm vaxtı...
Gözümdən sellər axdı -
silmirsən...
Hakim olub anıma
Çevrildin xəyalıma...
Yaxşı ki, bu halıma -
gülmürsən.
Ancaq Allah, ancaq O
Səvab, günah ancaq O!
Bu gün, sabah ancaq O -
bilmirsən....
