Yaxşı xatırlayıram, Sank-Peterburqdan yenicə qayıtmışdım və AzTV-nin iki redaksiyası ilə əməkdaşlıq edir, başqa bir redaksiyasında isə çalışırdım. Yeni verilişin rejissorssenarisini, təbii ki, kadr bölgüsü (raskadrovka) ilə birlikdə adını çəkmək istəmədiyim redaksiyalardan birinin başbiləninə təqdim etmişdim. Məndən təəccüblə "bu nədir” deyə soruşmuşdu və uzun-uzadı izahını vermişdim...

Belələri son 1 ilədək şəhidlərimiz, tarixi şəxsiyyətlərimiz, dövlət qurucularımız haqqında onlarla görüntü və söz yığınından ibarət, heç arxivlərin bir küncündə qalmağa belə layiq olmayan nələrsə çəkib bəh-bəhlə "təqdimat mərasimləri”ni keçirdilər. İndi bu "film”lərin heç birini xatırlayan yoxdu...

Bu baxımdan, hər kəs bildiyi, bacardığı işlə məşğul olmalıdır. "Məscidin qapısı açıq olanda...” məsəlində olduğu kimi, belələri bir az abır-həya etsələr, pis olmaz.