Əbülfət MƏDƏTOĞLU: GÜNÜN MESAJI
Var idim, ya heç idim
söylə , bu ana qədər...
İynə gözündən keçdim -
məni duyana qədər...
Yüküm ağır, yol uzaq
Dərd də bir cür yalquzaq...
Qorxurdum ki, uduzaq -
Dözməyək sona qədər...
İçdə hər gün didişdim
Bu sonuncu gedişim...
Çağır, gəlim yetişim -
Üçə yox, ona qədər!..
Düşün , sən mənsizliyi
Sünbülün dənsizliyi...
Ömrümdən sənsizliyi -
Silə, ya yona qədər!
Ömrümdən sənsizliyi -
Bir yolluq yona qədər