Dolanır xəyalım. qarışır halım
İçimi, çölümü bürüyür sükut...
Dilimin ucunda ölür sualım ,
Məni arxasınca sürüyür sükut -
həsrətim...

Didir yaddaşımı dişin, dırnağın
Böyüyür gözümün dibində şəkil...
Sənin ürəyimi salıb qırmağın,
Mənim yol ölçməyim, cibimdə şəkil -
həsrətim!..

Fikirlər vuruşur yol tapmaq üçün,
Döyüş meydanına çevrilir başım...
Səfərbər etmişəm ürəyin gücün ,
Udmağa , son dəfə, Vüsal savaşın -
həsrətim!..