Şənbə və bazar günləri bütün ictimai nəqliyyatın hərəkəti məhdudlaşdırıldığı üçün həmin günlərdə işləmək məcburiyyətində olan müəssisələr özləri işçilərin daşınmasını təşkil etməlidir.

Adalet.az-ın məlumatına görə, bunu Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev Operativ Qərargahın bu gün keçirilən brifinqində deyib.

Ü.Mehdiyev bildirib ki, müəssilələr işçilərin daşınmasını müəssisənin öz avtomobili, işçilərin fərdi avtomobili və ya taksi xidmətindən istifadə etməklə təmin edə bilərlər.