1988-ci ildə Ermənistanın Azərbaycana qarşı hərbi təcavüzünü ilk olaraq dəf edən milis nizami qüvvəsi, sonrakı illərdə Daxili Qoşun hissələri olub. Bu döyüşlərdə 1695 polis əməkdaşı və hərbi qulluqçu şəhidlik zirvəsinə ucalıb, 1710 nəfər yaralanıb. Göstərdikləri şücaət və igidliklərə görə 67 nəfər Azərbaycanın Milli Qəhrəmanı adına, 1143 daxili işlər orqanı əməkdaşı orden və medallara layiq görülüb. Müstəqillik əldə etdikdən indiyə qədər ötən vaxt ərzində cinayətkarlığa qarşımübarizədə, ictimai qaydanın qorunması və ictimai təhlükəsizliyin təmin edilməsi vəzifələrini yerinə yetirərkən 99 polis əməkdaşı və hərbi qulluqçu həlak olub, 2640 nəfər xəsarət alıb.