adalet.az header logo
  • Bakı 9°C
  • USD 1.7
29 Iyun 2020 15:01
50499
ŞOU-BİZNES
A- A+

68 yaşlı İbrahim Tatlısəs gündəm oldu: 42 yaş özündən kiçik...

Atası ərəb, anası kürd olan müğənni, bəstəkar, aktyor, televiziya aparıcısı, iş adamı və nəhayət Türkiyənin ustad sənətçisi İbrahim Tatlısəs uzun müddətdən sonra axtardığı sevgisini tapa bilib. Ailə həyatında bəxti gətirməyən 68 yaşlı ulduz nəhayət ki, Bodrumda keçirdiyi yay tətilində sevgilisi ilə kameralar önünə keçib. Müğənni yeni sevgilisi 26 yaşlı Gülçin Karakaya ilə eşq macərasına başlayıb. Uzun zamandır eşq yaşadıqları deyilən cütlük əyləncəli anlarını bölüşüb.

"Mən qadınsız bacarmaram” deyən Tatlısəsin yeni sevdasının "Instagram” postları gündəm olub.

Adalet.az xəbər verir ki, yeddi övlad, doqquz nəvə sahibi olan Tatlısəsin üçüncü dəfə nikah masasına oturub-oturmayacağı maraq mövzusuna çevrilib. Tatlısəsin yeni sevgilisi Gülçin aralarındakı 42 yaş fərqi çaşqınlıq yaradıb.

Qeyd edək ki, İbrahim Tatlısəs, ilk evliliyini Urfada Ədalət Durak ilə həyata keçirib.Cütlüyün 3 uşağı olub və onlar ayrılıb. 1979-cu ildə "Qara yaylıq” filmindətanışolduğu aktrisa Perihan Savaş ilə münasibətə başlayan Tatlısəs daha sonra onunla ailə həyatı qurub.Bu evlilikdən cütlüyün Mələk Zibeydə adlı qızı var.9 avqust 1984-cüiltarixli qəzetlərdə yer alan xəbər hamını təəccübləndirib. Xəbərdə yazılmışdı: "İbrahim Tatlıses tərəfindən qaçırıldıqdan sonra yeddi saat ərzində döyüldüyünü iddia edən aktrisa Perihan Savaş prokurorluğa müraciət edərək onun ruhi xəstə olduğunu bildirib və həbs olunmasını istəyib.P.Savaşın gözünün altının göyərdiyini, qaşının partladığını görüblər.Tatlısəs ifadəsində bildirib ki, o, qızımın anasıdır, sağda-solda gəzməyini kişi olaraq qüruruma sığışdırmadım”. Bundan sonra cütlük ayrılıb. 1983-cü ildə "Günah” filmini çəkərkən Dərya Tuna ilətanışolan Tatlısəsin ondan İdo (İbrahim) adlı bir oğlu var. Ancaq cütlük heç zaman ailə həyatı qurmayıb.



İbrahim Tatlısəs bir müddət məşhur rəqqas Asena ilə də eşq macərası yaşayıb.İbrahim Tatlısəs 27 sentyabr 2011-ci ildə xəstəxanada sürpriz şəkildə Ayşəgül Yıldızla ailə həyatı qurub.Tatlısəsin nikah şahidi Fatih Tərim olub.Cütlüyün Elif Ada adlı qızları var. Bu evlilik də uzun müddət davam etməyib və cütlük 29 noyabr 2013-cü ildə boşanıb. İ.Tatlısəs boşanma xəbəri ilə bağlı belə açıqlama verib: "Sevgili dostlarım, xahiş edirəm, bu mövzuda heçkimməndən heç nə soruşmasın.Bu, səhhətimlə əlaqəli aldığımız qərardır.Anlayış göstərin.Ayşəgül xanım Elifimin anasıdır, mənim də qiymətlimdir.Onun pis olmasını istəmirəm”.Bundan əlavə, İbrahim Tatlısəsin Dilan Çıtak adlı qızının olduğu da ortaya çıxıb.Dilan Çıtak illərdir İbrahim Tatlısəsin qızı olduğunu iddia etmişdi.Onun öz qızı olduğunu etiraf edən Tatlısəs "Əslini inkar edən bizdən sayılmaz”, - deyərək sosial mediadan sözünü demişdi.

Tatlısəsin qızı Dilan Çıtak, 2 dekabr 1989-cu ildə İstanbulda doğulub.O da atası kimi musiqiçidir. Məşhur müğənni söz-söhbət yayılan zaman sosial mediada oğlu İdo Tatlısəs və qızı Dilan Çıtak ilə çəkdirdiyi fotonu paylaşıb və yazıb: "4 gündür demədiyiniz söz, yazmadığınız şərh qalmayıb.Bütün sirlər bu fotoda açılır – İbo-İdo-Dilo.Niyə bu qədər zaman gözlədim?Çünki hər şeyin bir zamanı var idi və doğru zaman bugünmüş...Sizləri sevirik...”

Əntiqə Rəşid