Hər zaman zərafəti, kübarlığı ilə tamaşaçılarının məhəbbətini qazanmağı bacaran Xalq artisti Zülfiyyə Xanbabayeva 2-3 il əvvəl qızı haqqında danışarkən söyləmişdi ki, Dəniz bilir kimin qızıdır, amma onun üçün ilk növbədə anayam: " Və o mənə etibar edir. Mən onun zövqünü körpəlikdən formalaşdırmağa başlamışam. Heç zaman düşünməmişəm ki, uşaq mütləq əlvan geyinməlidir. Dənizin qarderobunda qara rənglər də var. Artıq 9 yaşında olmağına baxmayaraq, hərdən Dəniz mənə hər hansı paltarı göstərəndə mən onun bir neçə geyimi uyğunlaşdırmağından anlayıram ki, artıq onun öz üslubu, zövqü formalaşıb. Uşaq olanda mənim zövqümü heç kim formalaşdırmayıb və mən bilmirəm bu məndə necə əmələ gəlib”.

Qeyd edək ki, hazırda Dənizin 13 yaşı var.

Əntiqə Rəşid