Ötən həftə şou aləmində baş verən olaylar və ilginc açıqlamalar...
Ötən həftə şou biznes aləmi maraqlı acıqlama və olaylarla yadda qaldı.
Adalet.az xəbər verir ki,
ilk və maraqlı acıqlamalardan biri "Avroviziya” təmsilçilərimizdən
olan müğənni Dilarə Kazımovaya məxsusdur. O, açıqlaması ilə gündəmə səs salıb.
Sənətçi İctimai Televiziyada (İTV) yayımlanan "Fatehin divanı” axşam şousunda
qonaq olarkən etirafı ilə diqqət çəkib.
O, ilk dəfə
bəy nəslindən olduğunu etiraf edib:
"Mən bəy nəslindənəm. Bu barədə çoxlu
informasiyaya malik olmasam da, nənəm danışırdı ki, sovet dövründə Bakıda
babamın neft buruqları olub. Hətta bu barədə sənədli film də çəkilib. Neft
buruqlarının olması ilə bağlı onun rəsmi sənədləri də olub. Həmin sənədləri isə
o haradasa torpağa basdırıb. O sənədləri bu yolla gizlədib, heç kim tapa bilməyib.
Biz özümüz də sənədləri tapa bilməmişik”.
Bəy nəslinin nümayəndəsi olduğnu deyən müğənni Dilarə Kazımova hər zaman
ehtiraslı rəqsləri və acıq-sacıq geyimləri ilə gündəmdə qalmağı bacaran məşhurlardandı.
Qeyd edək ki, Dilarə 2014-cü ildə Danimarkada keçirilən "Start a Fire” bəstəsi ilə "Avroviziya” mahnı müsabiqəsində Azərbaycanı təmsil edib.
Bir gülümsədən acıqlama isə şou-biznesin Sevil və Sevinc Səfərova bacılarından gəlib:
"Heç
vaxt gündəmə açıq-saçıq görüntülər və dəyişik obrazlarla gəlməmişik. Hətta
fotosessiyaların ən rahatını və sadəsini etdiririk. Obrazlı fotosessiya bizdən
görməyəcəksiniz”.
Bu sözləri bacılar "Xəzər” televiziyasında
yayımlanan "X maqazin” proqramına verdiyi müsahibələrində deyiblər. Müğənnilər
həmkarlarının tez-tez efirdə səsləndirdiyi "yeniliklər edəcəyəm” kəlməsinə
etiraz ediblər: "Toy məclislərində, verilişlərdə oluruq. Bizim də işimizin
mahnı oxuyub, klip çəkdirib, fotosessiya etdirməkdir. Bu işləri görmək məcburiyyətindəyik.
"Yenilik edəcəyəm” deyə bir şey yoxdur. Çünki sən bununla pul qazanırsan,
tamaşaçılara tanınırsan, onların sevgisini qazanırsan”.
Səfərova bacıları məşhur stilistlərlə çalışmaq
istəmədiklərini söyləyiblər: "Məşhur stilistlərlə çalışmağı sevmirik. Çünki
onların da özlərinə görə kaprizləri var. Bizəözümüzü hər zamankı obrazda görmək
rahatdır
"Dünyaya
uşaq gətirməzdən öncə düşünün. Çox düşünün. Bəlkə sizin övladınız bu dünyaya gəlmək
istəmir. Onun belə bir dünyada yaşamasına siz qərar verirsiniz. Uşaq oyuncaq
deyil”. Bu sözləri müğənni Nura Suri feysbuk hesabında yazıb.
O,
övladlarına görə narahat olduğunu söyləyib:
"Mən də uşaq istəyirəm”
deməzdən əvvəl eqonuzu bir kənara qoyub düşünün xahiş edirəm. Mən düşünməmişəm.
Gecələri rahat yata bilmirəm. Onların gələcəyini fikirləşirəm. İki övladım
Amerikada yaşayır. Hər gün onlara görə narahat oluram. Kiçik oğluma görə isə
lap çox narahatam. Uşaq üç aydır evdədir. Dostları ilə görüşmür, məktəbə,
idmana, rəqsə, vokal dərslərinə gedə bilmir. Hər gün onlayn dərslər keçir,
sonra da ev tapşırığı. Həftəsonu bir az bulvarda təmiz havada gəzə bildik. SMS
olanda da çıxmırdıq. İyunun 12-i yay tətili başlayır. İşləmirik deyə qazancımız
yoxdur. Dincəlməyə ( hətta rayona) getmək üçün riskə getmək istəmirəm. Karantin
nə qədər sürəcək bəlli deyil. Gündə bir qərar çıxır. Otellərin qiymətindən yəqin
ki, xəbəriniz var. Çox söz deyə bilərəm, amma nə xeyri”.
Qeyd edək ki, N.Surinin üç oğlu var.
İndi də Xalq artisti Mələykə Əsədovanın kədər dolu acıqlamasına kecək:
"Ürəyimdə problemlər var. Dəfələrlə müayinələrdən keçmişəm. Səhhətimdə
yaranan bu problem sənətimlə əlaqəlidir”.
Bəli, bu sözləri Xalq artisti Mələykə Əsədova "Xəzər”
televiziyasında yayımlanan "X maqazin” proqramına verdiyi müsahibəsində deyib.Sənətçi
sağlamlığında yaranan problemini səhnədə oynadığı çətin və mürəkkəb obrazları
ilə əlaqələndirib:"Çox çətin obrazları canlandırıram. Sənət üçün yaranmışam. Dünyamı dəyişənə kimi səhnədə
olmaq istəyirəm. Çətin rolların öhtəsindən gəlmək üçün möhkəm ürək lazımdır.
Amma ürəyim çox zəifləyib”.
Xalq artisti Aygün Kazımova Xəzər
televiziyasında yayımlanan "Fəlidən doğru xəbər" verilişində qonaq
olub.
Aygün Kazımova aparıcı Elşən Orucovun "Zəng edərkən müğənninin telefonunu
menecerinə verməsinə münasibətiniz necədir? sualına"Mənim telefonuma nadir
hallarda zəng edirlər. Çünki nadir hallarda telefonla danışıram" deyib.
Aygün Kazımova
"Namiq Qaraçuxurlu zəng etsə menecerinə verərsən?" sualına isə
"O, blokdadır, zəng edə bilmir" - deyə cavab verib.
Belə-belə işlər...
Əntiqə Rəşid