Əbülfət MƏDƏTOĞLU: ..Həm də əlvida...
Min illərdi gileylənir
Gecə - gündüz pərdə simdən...
Don biçmişəm kədərimə -
Ürəyimin pərdəsindən...
Ahımı düymə etmişəm
Yaxalıq da pıçıltımı...
Bir də ki tilsim etmişəm -
Sən deyəndə açıldımı?
Kipriklərin tumurcuğu
Ağ yol salıb yanağıma...
Ruhum olub göz muncuğu -
Eşqdən gələn can ağrıma...
Üyündüyüm zaman keçir...
Qoy olsun bu da bir nida...
Unutmaq istəyən seçir -
"Xoş gəldin, həm də əlvida!"...