adalet.az header logo
  • Bakı 12°C
  • USD 1.7
27 May 2020 14:38
22883
GÜNDƏM
A- A+

Qəzada həlak olan hərbçilərdən biri mayor oğludur

Xəbər verdiyimiz kimi dünən- 26 may 2020-ci il tarixdə, saat 07:30 radələrində Sahil-H.Z.Tağıyev avtomobil yolunun Sumqayıt şəhəri ərazisindən keçən 1-ci km-də 1992-ci il təvəllüdlü Qafarlı Ceyhun Mehman oğlu idarə etdiyi "Saipa Saina EX" markalı 99-PB-542 dövlət qeydiyyat nişanlı minik avtomobili ilə Sahil qəsəbəsi istiqamətində hərəkətdə olarkən yük avtomobilini ötmək məqsədilə yolun əks hərəkət zolağına çıxaraq qarşıdan gələn 1984-cü il təvəllüdlü Xırdalan şəhər sakini Əliyev Ramil Gülhəsən oğlunun idarə etdiyi "Opel Vectra" markalı 01-BZ-361 dövlət qeydiyyat nişanlı avtomobillə toqquşub.

Nəticədə "Saipa Saina EX" markalı avtomobilin sürücüsü və sərnişinləri 1990-cı il təvəllüdlü Pənahlı Fərid Kərim oğlu, 1991-ci il təvəllüdlü Qafarov Toğrul Bəhman oğlu, 1983-cü il təvəllüdlü Yusifov Şərbət Araz oğlu, habelə "Opel Vectra" markalı avtomobilin sərnişini 1956-cı il təvəllüdlü Bakı şəhər sakini Yusubov Mənaf Nüsübət oğlu hadisə yerində ölüblər, "Opel Vectra" markalı avtomobilin sürücü və "Saipa Saina EX" markalı avtomobilin sərnişini 1991-ci il təvəllüdlü Musazadə Azər Mürvət oğlu isə xəsarət alaraq xəstəxanaya yerləşdiriliblər.

Adalet.az xəbər verir ki, qəzada həlak olan hərbçilərdən biri Aprel Döyüşlərində iştirak etmiş, gizir Ceyhun Qafarov, Qarabağ müharibəsində şəhid olmuş tank polkunun komandiri, mayor Mehman Qafarovun oğludur. Mayor Mehman Qafarov1993-cü ildə Ağcabədi rayonu Avşar kəndi uğrunda gedən döyüşlərdə qəhrəmancasına Şəhid olub. Lerik rayonu Siyov kənd orta məktəbi Mehman Qafarovun adını daşıyır.

Allah rəhmət eləsin!

Əntiqə Rəşid