Əbülfət MƏDƏTOĞLU: KEÇİR
Elə maraqsız olmuşam -
Külək də baxmayıb keçir...
ƏIlimi açdığım bulud -
Üstümə yağmayıb ...keçir...
Xəyalın çapan, ümidi
Tanrısın tapan ümidi...
Eləyib sapand, ümidi -
Bir daşa bağlayıb...keçir!
Bu halımı əzəl bilən
Məni sözdə , özəl bilən -
Dünənimi gözəl bilən -
Acıyıb, ağlayıb keçir...
Son gilədi üzə düşən
Axıb ordan dizə düşən...
Bu da odur - üzə düşən -
Nəfəsin saxlayıb...keçir...