Koronavirus infeksiyasının yayılmasının qarşısının alınması məqsədilə Kiprə idxal edilmiş 16 min ədəd tibbi maskanın oğurlanmasında şübhəli bilinən iki kişi həbs olunub.

"Cyprus Mail” nəşri xəbər verir ki, Nikosiya şəhərinin 27 yaşlı sakini və onun 55 yaşlı qayınatası Limassolda yerləşən əczaçılıq firmasına maska satıblar. İş burasındadır ki, həmin maskaları Kipr hökuməti xarici dövlətlərin birindən idxal edib.

Eynilə həmin vaxt Kipr hökuməti Çindən doqquzmilyon ədəd tibbi maska alıb və bu qoruyucu vasitələr ölkə sakinlərinə pulsuz paylanmaq üçün nəzərdə tutulub.

Saxlanılan şəxslər dövlət xətti ilə gətirilmiş maskaların oğurlanaraq əczaçılıq firmasına satılmasında şübhəli bilinirlər.(oxu.az)