adalet.az header logo
  • Bakı 9°C
  • USD 1.7
05 May 2020 11:18
38742
ƏDƏBİYYAT
A- A+

Əbülfət MƏDƏTOĞLU: XATİRƏ OLACAM





















Xatirə olacam... anın birində

Bir zaman kəsiyi bitəcək mənlə...
Anın təbəssümü göz yaşı olub -
Quruyub yanaqda... itəcək mənlə...

Çartlayan dodaqda ... eh... sağalacaq,
Qurumuş kiprikdən duz töküləcək...
Tək onun saçları tez ağaracaq ...
İçinə saralmış söz töküləcək!..

Tanış ünvanlardan çəkinəcək göz
Ayaq dəyişəcək getdiyi səmti...
Bu yoxluq olacaq kül altdakı köz -
Onu qoruyana düşəcək həmdi...

... Xatirə olacam?.. bəlkə bu istək
Özü də ilğımdı! - meh aparacaq...
Ötüşən zamanı edərək dəstək -
İzimi hər yerdən şeh aparacaq!..