Əbülfət MƏDƏTOĞLU: SUS, OTUR...
Daha qapım döyülmür
Gün düşmür pəncərəmə...
Bütün bunlara görə
Allahı dəng eləmə!-
Sus....otur....
Günü günə qaynaq et
Qəlbi dərdə yaylaq et...
Vüsalını bayraq et
Həsrətlə cəng eləmə!-
Sus....otur...
Gecdi umma, ta öyüd
Ömür payını üyüd...
İçində ümid böyüd,
Heç kimə zəng , eləmə!-
Sus...otur!..
Yazı birdi, pozan bir
Mənim kimi ozan - bir...
Olsa da bil, yozan bir!-
Dünyanı çəngələmə -
Sus, otur!