Koronavirus pandemiyası ilə əlaqədar Avropada bir çoxları işindən məhrum olub. Bu isə maliyyə problemlərinin kəskinləşməsi ilə nəticələnib.

RT İspaniya və Fransada işsizlər üçün verilən pulsuz yeməyə görə yaranan uzun növbələr barədə kadrlar yayımlayıb.

Bildirilir ki, təkcə Madriddə pulsuz yemək üçün 2000-dən artıq insan hər gün xüsusi fonda müraciət edir. Parisdə isə könüllülərin mərkəzinə gündəlik azı 300 ailə müraciət edir.

Qeyd edək ki, İspaniyada 232128 nəfər koronavirusa yoluxub, 23822 nəfər ölüb, 123903 nəfər isə sağalıb.

165911 nəfərin yoluxduğu Fransada isə 23660 nəfər ölüb, 46886 nəfər sağalıb.