Əbülfət MƏDƏTOĞLU: YERƏ
Mən özümdən qaçıram
özüm olmayan yerə...
Bəlli xoşbəxtliklərdə -
gözüm olmayan yerə...
Dərə məni, düz məni
İpə, sapa düz məni...
Yönəltməyin siz məni -
Dözüm olmayan yerə...
Əlim ətəyə çatmaz
Ağrıdan ürək yatmaz...
Külümü külək atmaz -
Közüm olmayan yerə...
Yolu sərtdi yetməyin,
Məni mənsiz etməyin!
Sorağıma getməyin -
Sözüm olmayan yerə!
Əbülfəti "ah" tutar
Qəm köklüdü, bil, bu tar!
Sən mənsənsə qaç, qurtar -
Çözüm olmayan yerə!