adalet.az header logo
  • Bakı 10°C
  • USD 1.7
25 Aprel 2020 13:13
36924
KRİMİNAL
A- A+

Bakıda mənzildən 3500 manatlıq oğurluq edən dəstə yaxalandı

Bakıda mənzil qarət olunub.

Trend-in məlumatına görə, hadisə paytaxtın Nərimanov rayonu ərazisində baş verib.

Nərimanov rayonu, S.Rəhmanov küçəsində E.Məmmədova məxsus mənzilə daxil olan naməlum şəxslər oradan 450 manat pul və 3 min manat dəyərində qızıl-zinət əşyaları oğurlayıb.

Nərimanov rayon Polis İdarəsinin 16-cı polis bölməsi əməkdaşlarının keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən Bakı şəhər sakinləri, 1997-ci il təvəllüdlü Mahir Mehdiyev və Cinayət Məcəlləsinin 177-ci (oğurluq) maddəsilə əvvəllər məhkum olunmuş 1997-ci il təvəllüdlü İlqar Həbibov müəyyən edilərək saxlanılıblar.

Faktla bağlı cinayət işi başlanıb.