Nyu York zooparkında heyvanlar koronavirusa yoluxub
Amerika Birləşmiş Ştatlarının Nyu York şəhərində, Bronks rayonunda yerləşən zooparkda 4 pələng və 3 şir koronavirusa yoluxub.
Trend-in məlumatına görə, bu barədə zoopark rəhbərliyi bildirib.
Bununla da zooparkda 8 heyvanda virus qeydə alınıb. Aprelin əvvəlində dişi pələngin virusa yoluxduğu məlum olmuşdu.
Rəhbərliyin sözlərinə görə, heyvanlar özlərini yaxşı hiss edir.
Bronks zooparkı koronavirusla əlaqədar martın 16-dan etibarən bağlıdır. Orada yalnız onlayn rejimdə turlar keçirilib.