Bakı 17°C
Əbülfət MƏDƏTOĞLU: SƏNDƏN
Bəsdir bu qədər yalvartdın,
Küsdüm daha,dağlar, səndən!..
Ürəyimə qan ağlatdın -
Çəkdim neçə dağlar səndən...
Ərgünəşə tamarzııyam
Guman deyil, tam arzuyam!..
Əridikcə damasıyam -
Kiprik-kiprik ağlar səndən...
Yönüm üzü aşağıdı
Dərdim dərdlər başağıdı...
Özüm torpaq uşağıdı -
Çəir ancaq ahlar, səndən!..
Tay düz gəlmir günə - günüm
Vağanıyır səsim, ünüm...
Bir yol aç ki, mən də dönüm -
Olum, ötmüş çağlar səndən...
Əbülfət bil, sənlə tərdi
Vüqarından qürur dərdi...
İndi özün yelə sərdi -
Şərit ucun bağlar səndən...
