Bakı 17°C
Əbülfət MƏDƏTOĞLU: ALLAHIMDAN...
Daş ataraq buluda
gözlərimi yumuram...
Mən , Allahın quluyam,
bəndə haqqın umuram -
Allahımdan!
Ələkdi fikir, xəyal
xəlbirlik iş qalmayıb...
Mənə sevgini verən.
bəlkə , izin almayıb -
Allahımdan?!
Duz salxımı kipriklər,
Ağ cığır donmuş yanaq...
Dərdlə keçən pikniklər
dərsdi bizə, inanaq -
Allahımdan!..
Ürək - şumlanmış tala
Amma susuz, aratsız...
Onu məndən kim alar,
özü də ki, qarantsız -
Allahımdan!..
