Bir kənddə sel gəlir. Kənd camaatı xilas olmaq üçün pərən-pərən düşürlər. Yalnız bir nəfərdən savayı. Ondan soruşurlar:

- Sən niyə xilas olmursan?

- Mən Allaha dua edirəm. Mənim heç bir günahım yoxdur - Allah gələcək və məni xilas edəcək.

Bir qədər sonra su sonra adamın dizinə kimi qalxır. Qayıqda onun yanından üzüb keçən kənd camaatı deyir:

- Kişi, özünü göstərməyi qurtar, min qayığa, yoxsa boğulacaqsan!

- Minmirəm. Allah dualarımı eşidir - gələcək və məni xilas edəcək.

Su kişinin qurşağınadək çatır. Yanından üzən digər qayıqdakılar səslənirlər:

- Tərslik eləmə, boğulacaqsan!

- İstəmirəm. Allah mənim dualarımı eşidəcək və xilas edəcək.

Su adamın boğazınadək qalxır. Bu dəm yanından ötən üçüncü qayıqdakı kənd camaatı kişini haraylayırlar:

- Kişi, qayığa min, yoxsa burdan düz Allahın dərgahına yollanacaqsan!

- Allah məni eşidəcək və xilas edəcək.

Beləcə su bir az da qalxır və kişi boğulur.

Adam o dünyada Allahın hüzuruna gəlir və soruşur:

- Bu nə deməkdir? Mən bütün ömrüm boyu son anadək dua etdim, amma yenə də boğuldum!

Allah:

- Kişi, sən axmağın yekəsisən! Mən sənə 3 dəfə qayıq yolladım!