Əbülfət MƏDƏTOĞLU: ÜRƏK
Azacıq vaxt ayır, bircə anlıq bax -
Gör necə qovrulur sinəmdə ürək...
Çəkilib ruhum da dayanır uzaq-
Olmuram özümdə, dinəndə - ürək!..
Bu kövrək sevginin yaşı min ildi
Baharı min ildi, qışı min ildi...
Özülü, divarı... daşı min ildi -
Deməki , qalıbdı dünəndə ürək!..
Fələk bəxt payımı doğrayır, bölür
Ümid işıq-işıq qaralır, sönür...
Elə boğulur ki, elə bil ölür -
Çaşıb "cin " atına minəndə ürək!..
Kimsə dəli deyib, Məcnun sanacaq
Kimsə Əbülfətə,tam inanacaq!
Dünyam dağılacaq, gorum yanacaq -
Üstümə qırılmış dönəndə, Ürək!