Ümumdünya Səhiyyə Təşkilatı (ÜST) hesab edir ki, koronavirus pandemiyası ilə əlaqədar tətbiq olunan məhdudiyyətlərin ləğvi mərhələli şəkildə həyata keçirilməli və mümkün risklərin dəqiq təhlili ilə müşayiət olunmalıdır.

Trend-in məlumatına görə, bunu ÜST-ün rəsmi nümayəndəsi Kristian Lindmayer deyib.

O bildirib ki, pandemiya bitdikdən sonra məhdudiyyətləri dərhal aradan qaldırmaq tövsiyə olunmur. Bunun üçün yaşayış məntəqələrində, ictimai nəqliyyat kimi yerlərlərdə riskləri təhlil etmək lazım olacaq:

"Pandemiya hər yerdə eyni anda başa çatmayacaq. Hər ölkə və region sosial və fiziki məsafə qaydaları ilə bağlı tədbirlərin azaldılıb-azaldılmaması barədə qərarı özü verəcək”.