adalet.az header logo
  • Bakı 9°C
  • USD 1.7
03 Aprel 2020 09:59
18529
İDMAN
A- A+

UEFA avrokubokların bərpası barədə mayın ortası qərar verəcək

Avropa Futbol Assosiasiyaları Birliyi (UEFA) təşkilatın himayəsi altında keçirilən yarışlar üzrə may ayının ortası plan hazırlayacaq.

Adalet.az-ın "TASS"a istinadən verdiyi məlumata görə, bunu öz "Twitter" səhifəsində "New York Times" qəzetinin jurnalisti Tarik Panja yazıb.

Onun sözlərinə görə, turnirlərdə təxirə salınan oyunların iyul və avqust aylarında keçirilməsi planlaşdırılır, oyunların ləğv edilməsi ilə bağlı qərar isə son seçim olacaq.

Qeyd edək ki, UEFA aprelin 1-i Çempionlar Liqası və Avropa Liqasının dayandırılması, iyuna nəzərdə tutulan milli yığmaların oyunlarının isə təxirə salınması barədə qərar qəbul edib.