Əbülfət MƏDƏTOĞLU: KƏSDİYİM ŞƏRT
Dərdləri boyuma biçim
Çəkmisən məni ortaya...
Mən heç, bir azca rəhm elə -
Qoyma, dərdlərim qartıya...
Üstümə uyğun gəlsədə
Demirəm saxla, nimdaş. et...
İlahi, dərdlərlə məni -
Düşmən yox,sən dost- sirdaş et!..
Qoşulub zaman selinə
Özümü axıdım dərdlə...
Əlimi verdim əlinə -
Dərdlərin, mən bircə şərtlə!
Söykənib kürək-kürəyə
Yaşayaq, ömür nədisə...
Dəyməsin , təkcə ürəyə -
Başqa... göz üstə, nə desə!