Əbülfət MƏDƏTOĞLU: MƏN SƏNƏ
Necə sevdiyimdən başqa
Nə vardı - dedim mən sənə...
Can qurban etməyin yolun -
De, qurban edim mən, sənə!..
Kiməmki? - adicə bəndə
Nur gəzdim, nur tapdım səndə!
Dilimi batırıb qəndə -
Yüyürüb , yetim mən sənə..
Mənimçün ocaqsan, pirsən
Tanrımın özü tək birsən!
Nə zaman icazə versən -
Qoy Həcə gedim mən, sənə!
Ürək yandıran ünümlə
Bəlli halımla,günümlə...
Xoşbəxtlik adlı zülümlə -
Verim, bir idim mən sənə!