Türkiyənin sabiq komandanı Aytaç Yalman koronavirusdan dünyasını dəyişib.

Adalet.az-ın məlumatına görə, Türkiyənin səhiyyə naziri Fahrettin Koca bu barədə ölkə parlamentində çıxışı zamanı deyib.

Nazir bununla birlikdə Türkiyədə koronavirus qurbanlarının sayının 3 nəfərə çatdığını bildirib.

Qeyd edək ki, 80 yaşlı mərhum generalın həyat yoldaşı və yaxınlarının da koronavirus testi pozitiv çıxıb.

Xatırladaq ki, Türkiyədə indiyə qədər 191 nəfər COVİD-19 virusuna yoluxub.