Koronavirusun tüğyan elədiyi
bir vaxtda hər kəs bu bəlaya özünəməxsus şəkildə reaksiya verməyə çalışır. Həm
Azərbaycan, həm də dünya arenasında
tanınan insanlar bəşəriyyəti təhdid edən
məlum virusun yayılmamasına hansısa bir əməllə xidmət göstərməyə çalışırlar.
Adalet.az xəbər verir ki,
məşhur amerikalı aktrisa Bleyk Layvli və kanadalı aktyor Rayan Reynolds nümunəvi
addım atıb.
Tanınmış
cütlük koronavirus (COVİD-19) epidemiyası səbəbi ilə qida və başqa ərzaq məhsullarına
ehtiyacı olan şəxslərə yardım edib. Uzun illərdir evli olan Layvli və Reynolds
"Feeding America” və "Food Banks Canada” xeyriyyə fondlarına ümumilikdə 1
milyon dollar pul ayırıb. Bu barədə instaqramda məlumat paylaşan iki məşhur
sima xeyriyyə cəmiyyətlərinin bu cür yardımlara ehtiyaclarının olduğunu
vurğulayıb.
Azərbaycan Respublikası Nazirlər
Kabineti yanında Operativ Qərargahın qərarına əsasən 14 mart 2020-ci il
tarixindən etibarən ölkə ərazisi xüsusi rejimə keçdiyinə görə,bizim məşhurlarda
bu təşəbbüsə əməl edərək sosial şəbəkələrdə paylaşımlar etməyə başlayıblar.
Xalq artisti Tünzalə Ağayeva sosial şəbəkədə paylaşım edərək hər kəsi diqqətli
olmağa çağırıb:"Hər birimiz özümüzü qorumaqla sağlam günlərə tezliklə çıxarıq”.
Sonra
prodüser Tarix Əliyev (Tolik) də instaqramda status yazaraq hər kəsin bayram
günlərində evdə olmağını məsləhət görüb:"Dostlar, bayramlar çox əzizdi, hamı
bir- birinin evinə qonaq getmək istəyir. Amma çalışın öz ailənizlə, evinizin
içində doğmalarınızla bayram günlərinizi qeyd edin. Çünki bununla biz
sağlamlığımızla həm özümüzü, həm də doğmalarımızı virusdan qorumuş oluruq”.
Bundan əlavə, aparıcı Zaur Baxşəliyev instagram səhifəsində maarifləndirici
videoçarx paylaşaraq qeyd edib ki, insanlar ehtiyac olmadığı təqdirdə evdən
bayıra çıxmasınlar.
Həmçinin müğənni Nura Suri də hər kəsə evdə qalmağı məsləhət görüb.
Amma
məyusedici bir xəbəri də qeyd etmək məcburiyyətindəyik. Beləki, 2001-ci ildə Rusiyanı "Miss Earth"
Gözəllik yarışmasında təmsiil edən Bonya koronavirusla bağlı qalmaqallı
açıqlama verib. Bonya sosial media hesabında belə bir açıqlama
verib:"Bağışlayın, amma bunu paylaşmalıyam. Dünyamız məhv oldu. Planeti
itirməkdənsə, insanlığın yarısını itirməyi üstün tuturam".
Rus gözəlinin "Planeti itirməkdən çox insanlığın yarısını itirməyi üstün
tuturam" qeydi böyük reaksiya doğurub. 40 yaşlı məşhur model və aktrisa
Victoria Bonyanın koronavirus haqqında sosial mediada paylaşımı izləyicilər tərəfindən
tənqid hədəfinə tuş gəlib.
Yəqin
ki, xeyirxah məramlı addımlar atıldıqca, belə mənfur və bədniyyət düşüncələr də
olacaq!
Əntiqə Rəşid