Fransada koronavirus xəstələrinin sayı 4,5 minə, qurbanların sayı 91-ə çatıb.

Bu barədə Səhiyyə İdarəsinin baş direktoru Jerom Salomon mətbuat konfransında bildirib.

"Hazırda yoluxmuş şəxslərin sayı 4,5 min təşkil edir. Bu göstərici son 72 saat ərzində iki dəfə artıb", - deyə o qeyd edib.

Salomon bildirib ki, ən çox yoluxma hallarının aşkar edildiyi bölgələr Burqundiya, İl-de-Frans, Overn və Korsikadır və respublika bütün ərazisində mövcud olan virusun yayılmasının üçüncü mərhələsi ilə üzləşir.