Həyat nağıl, mən yuxulu bir uşaq
Alma yağdı üst - başıma bir qucaq!
Sən gələndən kədər qaçıb çox uzaq -
Fərəhlənib hətta sevinc satıram!..

Hər anımı şəkər edən, bal edən
Baxışıyla baxışımı lal edən!..
Ürəyimi büründüyü şal edən -
Bir gözəlin qolarında yatıram...

Düşünmə ki, "yar" deməkdən doymuşam
Ürəyimi sətir- sətir oymuşam!
Əbülfəti sapandıma qoymuşam-
Sənə tərəf fırladıram, atıram...