Bizim rayon pambıqçılıqla məşğul olduğu kimyəvi maddələrlə təması mütəmadiydi. Sahələrin gübrələnməsi təyyarələr (aeroplan ) vasitəsilə havadan, bir də təsərrüfat maşınları
(traktorlar) vasitəsilə yerdən aparılırdı. Demək olar ki, yazın 3-cü ayından sentyabra qədər
bu proses davam edirdi. Təsərrüfatda işləyənlərdə də, bəzən kənd camaatında da
zəhərlənmə halları baş verirdi. Məsələn, bağda yetişən meyvələr, tərəvəzlər yuyulmamış yeyiləndə. Ümumiyyətlə, o vaxt zəhərləndin,
yaxud zəhərlənmədin, dəxli yoxdu, evdə yaşlı nənə varsa, mütləq gündə bir stəkan
qatıq, süzmə qatıq, ya da atlama (ayran,
avdıq) içmək zorundaydın. Bunun xeyrini isə böyüdükcə anladıq. Qatıq mədədə
öz-özünə həzm olunan yeganə qida maddəsidir. Bundan başqa, qatıq vərəm və Sibir
yarası istisna olmaqla tif, paratif, difteriya, dizenteriya, xolera,
tuberkulyoz kimi 22 xəstəliyin mikrobunu məhv edə bilir.
Adalet.az
xəbər verir ki, elm adamlarının araşdırmalarına görə, qatıq
tam bir vitamin və mineral anbarıdır. Bu ağartı məhsulu sümük və əzələ
sağlamlığı üçün vacib qidadır. Qatığın bir neçə xeyirli xüsusiyyətini sizə xatırladırıq.
Həzmə kömək edir-
Qatığın ən vacib xüsusiyyəti həzmə kömək olmasıdır. Qatığın tərkibindəki
probiotiklər sağlamlıq üçün çox əhəmiyyətlidir və təbii formada qatığın içərisində
olur. Ona görə də əgər bağırsaq problemləriniz varsa, qatığı gündəlik qidalanma
proqramınıza əlavə edin ki, həzm sisteminizin işini daha yaxşı təmin edəsiniz.
İmmuniteti gücləndirir-Bədənə bilərəkdən bakteriya daxil olmasını təmin etmək qəribə
görünə bilər. Amma yaxşı və pis bakteriya arasında bir fərq var və qatıq
faydalı bakteriyalarla zəngindir. Bu səbəbdən də qatıq yalnız həzm sisteminə
kömək olmur, eyni zamanda bütün immuniteti gücləndirir. Çünki qatıqda olan
bakteriyalar bədəni xəstəliklərə qarşı gücləndirir. Başqa sözlə desək, qatıq
sizi soyuqdəymə və mədə virusundan qorumağa kömək olar.
Maya göbələklərinin səbəb olduğu infeksiyadan qoruyur. Qatıqda
maya göbələyi olmadığı üçün bu fakt sizə məntiqsiz görünə bilər. Lakin qatığı gündəlik
yemək bədənin intim yerlərində meydana gələ biləcək infeksiyaların qarşısını
almağa kömək edir. Vaginada olan candida bakteriyası
bir çox qadında yarana bilən problemdir. Ümumiyyətlə, vagina kifayət qədər turş
olmadığı üçün bu problem meydana gəlir. Qatıqdakı maya bakteriyası vaginadakı
PH səviyyəsini aşağı salır.
Təzyiqi aşağı salır- Hamımızın
bildiyi kimi, kalorisi və yağı bol olan, qeyri-sağlam yeməklər təzyiqi
qaldırır. Gündə 2-3 boşqab az yağlı qatıq və ya ümumi olaraq süd məhsullarından
hər hansı birini yemək yüksək təzyiqi aşağı salmağa kömək edir. Osteoparoza
tutulma riskini azaldır.
Xüsusilə menopauza keçirən qadınlarda osteoparoz daha çox müşahidə edilir. Bu səbəbdən
də menopauza olan qadınların bədənindəki estrogen çatışmazlığının qarşısını
almaq üçün çox miqdarda kalsium qəbul etmək lazımdır. Kalsium qatıqda bol
miqdardadır və sümüklərin güclənməsini, inkişafını təmin edir.
Tox tutur-Aclıq hiss etdikdə bir
kasa qatıq yeyə bilərsiniz. Ümumiyyətlə, insanların yemək yedikdən sonra hələ də
özlərini ac hiss etmələrinin səbəbi karbohidrat və şəkər baxımından zəngin,
lakin kifayət qədər zülal və lif ehtiva etməyən qeyri-sağlam yeməklər yemələridir.
Qatığın tərkibində zülal zəngin olduğu və bədənin bu zülalı həzm etməsi vaxt
aparacağı üçün qatıq sizi tox saxlayacaq.
Sonda bir məsləhət: Çalışın
yediyiniz qatıq marketdən yox, inək südündən hazırlanmış, təmiz, orqanik qatıq
olsun!
Əntiqə Rəşid