Alın turşumasın, dodaq əsməsin
Dişlərin sıxılıb , səbri kəsməsin...
Təki baxışların məndən küsməsin -
Düşməsin adım da sözündən uzaq...

Tanrı dərgahında sevgiyə şamam
Dinim də Sevgidi, özüm də şaman!
Yandıqca qəlbimdi əriyib daman -
Damlalar düşməsin közündən uzaq...

Çapılmaz qayadı- sərtdi bu xiffət
Hətta sağalmayan dərddi bu xiffət!
Gözüylə gözündən dərdi Əbülfət -
Son damlan düşməsin üzümdən uzaq !