Bakı şəhər Nərimanov Rayon Polis İdarəsinin əməkdaşları keçirdikləri əməliyyat-axtarış tədbirləri nəticəsində narkotik ticarəti ilə məşğul olan Salyan rayon sakinini saxlayıblar.

Bu barədə hüquq-mühafizə orqanlarından məlumat daxil olub.

Əməliyyatçılar 37 yaşlı Elvin Qasımovun üzərində apardıqları axtarışlar zamanı 850 qram heroin, 555 qram marixuana və 800 tablet metadon aşkar edərək götürüblər. Bundan əlavə, polis ondan elektron tərəzi götürüb.

Hazırda hüquq-mühafizə orqanları E.Qasımovun dərmanı kimdən aldığını müəyyənləşdirir.

Qeyd edək ki, son bir gün ərzində daxili işlər orqanlarının paytaxt bölmələri narkotik vasitələrin və psixotrop maddələrin qanunsuz dövriyyəsi ilə bağlı yeddi cinayət faktı qeydə alıblar.