İdlibdə vəziyyət yenə gərginləşib.

Adalet.azən Türkiyə mediasına istinadən verdiyi məlumata əsasən, Bəşər Əsəd rejimi və ona dəstək göstərən Rusiyaya aid hava qüvvələri İdlib şəhərini bombalayıb. Şəhər mərkəzi, Benniş qəsəbəsi və Udvan kəndinə atılan raketlər nəticəsində 12 mülki vətəndaş ölüb, xeyli sayda yaralı var.

Raket atəşləri nəticəsində İdlib şəhər mərkəzində 4-ü azyaşlı olmaqla 9 nəfər dünyasını dəyişib. Udvan kəndinə edilən top atəşlərində 2 nəfər, Rusiyanın Benniş qəsəbəsində həyata keçirdiyi hücumda isə 1 nəfər həyatını itirib.