adalet.az header logo
  • Bakı 12°C
  • USD 1.7
27 Fevral 2020 09:56
24469
KRİMİNAL
A- A+

Şirvanda baş verən dəhşətli qətlin təfərrüatı: Sahib Pərvanəni də götürüb, evə qalxdı - VİDEO

Ötən gün Şirvan rayonunda dəhşətli qətl hadisəsi törədilib.

Kişi həyat yoldaşının boğazını kəsərək qətlə yetirib.

Hadisə Sənaye zonasında baş verib. 1984-cü il təvəllüdlü Nağıyev Sahib İdris oğlu ailə-məişət münaqişəsi zəminində həyat yoldaşı -Zəngilan rayon sakini, 1986-cı il təvəllüdlü Nağıyeva Pərvanə Vaqif qızını yaşadıqları mənzilin yataq otağında qətlə yetirib.

O, həyat yoldaşını çarpayıda yatdığı halda boğaz nahiyəsinin əsas damarını bıçaqla kəsib. Çoxqan itirən Pərvanə Nağıyeva hadisə yerində ölüb.

Pərvanə Nağıyeva 2 uşaq anası olub. Qətlin hansı səbəbdən baş verdiyi araşdırılır.

Sahib Nağıyevin anasıbildirib ki, hadisə zamanı o evdə olub:

"Saat 8-9 radələrində Sahib evə gəldi. Sonra ər-arvadyuxarı evə getdilər. Bir azdan oğlum qayıdıb gəldi. Soruşdum ki, Pərvanə hanı? Dedi ki, yatıb, qoy yatsın. Sonra Sahibtəzə evi su basıb deyərək, uşaqlarını da götürüb gedib, biz gedirik evə baxmağa.

Suyu bağlayıb gəlirik. Mən də evdə tək qaldım. Gəlinin yanına getmədim ki, bir az əsəbidir. Qoy yatsın. Sonra bildim ki, gəlin ölüb. Mənim gəlinimin günahı yoxdur”.