Bakı 19°C
Əbülfət MƏDƏTOĞLU: DƏRDİMİ...
Dərdimi -
Görüb, tanıyan olsa
Yolumu nişan verssin...
Sağ cinahda boşluqdu,
Solumu nişan versin...
Dərdimi -
Hələ kimsə almayıb,
Kəməndə də salmayıb...
Dizimdə güc qalmayıb -
Qolumu nişan versin...
Dərdimi -
Boşdu boxca və taxca
Solub çiçək , həm baxca...
Olub ürəyim dağca -
Dolumu nişan versin...
Dərdimi -
Deməyin qübarlanıb,
Sadəcə tumarlanıb...
Gəlibdi - xumarlanıb -
Ölümü nişan versin!
