adalet.az header logo
  • Bakı 10°C
  • USD 1.7
11 Fevral 2020 16:23
17071
DÜNYA
A- A+

İranın şimalında qar həyatı iflic edi

İranın şimalında yerləşən Gilan vilayətində güclü qar nəticəsində 194 kəndin elektrik enerjisi kəsilib.

Adalet.az-ın məlumatına görə, bunu Gilan regional elektrik şirkətinin icra direktoru Əzim Bülbülabadi deyib.

Ə.Bülbülabadinin sözlərinə görə, elektrik xətlərinə ciddi şəkildə ziyan dəydiyi üçün bir neçə rayonda paylayıcı stansiyaların fəaliyyəti dayandırılıb.

Hazırda Qəzvin-Rəşt magistral yolu bağlanıb. İran yol polisi Gilan vilayətinə səfər etməməyi məsləhət görüb.

İranın Ərdəbil vilayətinin Xalxal rayonu qubernatoru Firudin Babayi rayonun 142 kəndi ilə əlaqənin kəsildiyini deyib.