Əbülfət MƏDƏTOĞLU: QAYTAR GÖZLƏRİNƏ...
Gözlərin yorulub - gözün qayğısı
Yükləndi qəlbimə elə indicə...
Canımı verərəm , bil ki, qoymaram -
Sənin gözlərini kimsə incidə!..
Ruhumun əkizi, qəlbimin özü
Sən ki, dözümlüsən, belə sıxılma!..
Qurbanlıq demişəm sənə bu gözü -
Ürəklə sən qəbu elə, sıxılma!
Hər anım nəfəs tək səninlə bağlı
Bütün anlarımı götür, sıxılma!
Nə qədər ağrın var. nə qədər qayğı-
Onu mənə tərəf ötür, sıxılma!
Qaytar gözllərinə mənə sevgini
Qaytar Ümidinin ümidi kimi!
Al mənim gözümdən sənə sevgini -
Ovutsun o səni, Ümidin kimi!