Əbülfət MƏDƏTOĞLU: TƏSƏLLİ
Allah, hikkəsin toplayıb
Həsrət mənə tərs-tərs baxdı...
Sümüklərim də göynədi -
Ruhumun üşüyən vaxtı...
Kirpiklərim tamam çal duz
Vağanıyıb dərə, yal , düz...
Yuxuda gördüyüm sal buz -
Əriyib içimdən axdı...
Xəyalım bələk olubdu
Tay canım ələk olubdu...
Qələmi lələk olubdu -
Mənə yazanda bu baxtı...
Hər gün içdəki talanda
Matdı doğru da, yalan da!
Tükdən asılı qalanda -
Təsəllidi şair taxtı!