Tovuz rayonunda itkin düşən və daha sonra yandırılmış meyiti tapılan 10 yaşlı Nərmin Quliyeva dəfn olunub.

Report-un məlumatına görə, dəfn mərasimində mərhumun yaxınları, millət vəkili Qənirə Paşayeva və rayon rəhbərliyi iştirak ediblər.

Nərmin Quliyeva Tovuz rayonunun Dondar Quşçu kənd qəbiristanlığında torpağa tapşırılıb.

11:35

Tovuz rayonunun Dondar Quşçu kəndində noyabr ayında itkin düşən və sonradan yandırılmış halda cəsədi tapılan 10 yaşlı Nərmin Quliyeva bu gün dəfn edilir.

BAKU.WS-in məlumatına görə, Nərmin Quliyeva Dondar Quşçu kənd qəbiristanlığında torpağa tapşırılacaq.

Dəfn mərasiminə uşağın ailə üzvləri, kənd sakinləri qatılıb.

Bildirək ki, N.Quliyevanın ölümü ilə bağlı cinayət işi açılıb, istintaq tədbirləri davam etdirilir.