Rusiyanın Tomsk bölgəsində yeniyetmə yaşında itkin düşən qız 16 il sonra Krasnoyarsk xəstəxanasında tapılıb.

Rambler.ruxəbər verir ki, bu barədə "İtkin düşmüş uşaqların axtarışı – Krasnoyarsk” könüllülər təşkilatı informasiya yayıb.

"Yuliyanın qohumları tapılıb. Qız 2003-cü ildə itib və 16 il ərzində yaxınları onun aqibəti barədə heç nə bilməyib. Bütün bu vaxtıqız Krasnoyarskdakı xəstəxanada keçirib. 2019-cu ilin fevralında bizim könüllülər təşkilatımız axtarışlara başladı və budur nəticəsi”, - təşkilatdan bildirilib.

Həmçinin, qeyd olunub ki, Yuliya 2003-cü ilin payızında Krasnoyarskda tapılıb. O, yalnız öz adını deyə bilib. 16 ili psixonevroloji internatda keçirib. Uzun illər sonra təşkilatın informasiyaları əsasında qardaşı onu tanıyıb və müraciət edib.