adalet.az header logo
  • Bakı 11°C
  • USD 1.7
23 Dekabr 2019 12:41
12232
GÜNDƏM
A- A+

Tbilisidə XİN rəhbərlərinin görüşü keçirilir

Tbilisidə Azərbaycan, Gürcüstan və Türkiyə Xarici İşlər nazirləri Elmar Məmmədyarov, Mövlud Çavuşoğlu və David Zalkaliani arasında üçtərəfli görüş keçirilir.

Azvision.az Gürcüstan mətbuatına istinadən xəbər verir ki, görüşdə nazirlər müxtəlif sahələrdə üçtərəfli əməkdaşlığın aktual gündəliyini müzakirə edəcək, nəqliyyat, enerji məsələlərində Azərbaycan, Gürcüstan və Türkiyə arasında əməkdaşlığa xüsusi diqqət yetirəcəklər.

Bundan əlavə, nazirlər ikitərəfli formatda da bir araya gələcəklər. Danışıqların sonunda mediaya açıqlama veriləcək.

Xatırladaq ki, 2012-ci ildən bəri Azərbaycan, Türkiyə və Gürcüstanın Xarici İşlər nazirləri səviyyəsində üçtərəfli formatda görüşlər keçirilir. Bu, sayca səkkizinci görüşdür.