Bakı 22°C
Əbülfət MƏDƏTOĞLU: ADSIZ ŞEİR
Bənövşə tək açıldın
Sən yolumun üstündə...
Gözlənilməz gəlişdə -
Nədir , de qız, qəsdin nə?!
Çaşdım, titrədi səsim
Əlim əsdi nanə tək...
Sən də çaşdın . deyəsən -
Əlini telinə çək!...
Qarşılaşan baxışlar
Nəhayət ki, dil tapdı...
Sənə etiraf etdim -
Gözəl görmək səvabdı!
Bu çaşqınlıq, bu təlaş
Təbəssümdə ərisin...
Öpüm, ruhumla yavaş -
Mən bu ilham pərisin!
