Əbülfət MƏDƏTOĞLU: ÜRƏK AĞRISI
Hər ağrının öz dadı var
Baldı, ürəyin ağrısı...
Anlayıb, duymayan kəsə -
Laldı , ürəyin ağrısı!..
Baxa-baxa bu zalıma
Cavab gəzir sualıma...
Yetənəcən vüsalına -
Kaldı, ürəyin ağrısı...
Qucaqlayıb bir daşı tək
Gileyləndim bir naşı tək!..
Mənimlə can sirdaşı tək -
Qaldı, ürəyin ağrısı!
Səssiz qoşub vaxt xoruna
And içdirdi , bəxt goruna!
Əbülfəti öz toruna -
Saldı, ürəyin ağrısı!