Qarabağın işğal faktı ermənilərin dili ilə dünyaya çatdırılacaq.

Adalet.az xəbər verir ki, bunu Modern.az-a açıqlamasında Dağlıq Qarabağın Azərbaycanlı İcmasının sədri Tural Gəncəliyev bildirib.

"İcma olaraq həm daxildə həm də xaricdə bu məsələlərə həssaslıqla yanaşırıq. Düzdür, hələlik konkret olaraq Azərbaycanda yaşayan ermənilərlə hansısa işlər görülmür, lakin icma olaraq belə bir təşəbbüsümüz var.

Yəni birbaşa olaraq həmin şəxslərin dili ilə Qarabağın ermənilər tərəfindən işğal olunması həqiqətini dünyaya çatdırmaq və ümumulikdə bu istiqamətdə işlərin görülməsi kimi fikirlər mövcuddur. Konkret təkliflər olduqdan sonra yekun qərara gəlib təşəbbüsümüzü qısa zaman ərzində həyata keçirəcəyik”.