Əbülfət MƏDƏTOĞLU: QADASIN ALDIĞIM
Təkliyi yüklədin mənə
Sağ ol, qadasın aldığım!..
Mən asi olmaram Sənə -
Şux ol, qadasın aldığım!..
Ömür-gün üyünüb gedir...
Sap kimi düyülüb gedir...
Bir ürək döyülüb gedir -
Bax dol, qadasın aldığım...
Qulağım telefon zəngində
Gözlərim yolun cəngində...
Təki mən ölüm, hər gündə -
Sən ol! - qadasın aldığım.
Yoxluq axır, inandırsın
Ruhuma bir şam yandırsın...
Sənə Cənnəti andırsın -
Sağ- sol, qadasın aldığım!..