Bərdədə ev partladı - 1 nəfər xəsarət aldı
Bərdə rayonunun Güloğlular kəndində ümumi sahəsi 286 m² olan ikimərtəbəli evdə partlayış hadisəsi baş verib.
Fövqəladə Hallar Nazirliyindən Adalet.az-a verilən məlumata görə, hadisəyə səbəb evin 1-ci mərtəbəsində sahəsi 52 m² olan otaqda quraşdırılan yanacaq sobası olub. Yanğın nəticəsində ətrafa dağılmış yanacaq və otağın tavanı qismən yanıb. Evin qalan hissəsi yanğından mühafizə olunub.
Hadisə zamanı 1 nəfər xəsarət alıb.
Yanğın yanğından mühafizə bölmələri tərəfindən söndürülüb.
Hadisə ilə əlaqədar müvafiq qurumlar tərəfindən təhqiqat aparılır.