adalet.az header logo
  • Bakı 11°C
  • USD 1.7
09 Dekabr 2019 17:55
8527
GÜNDƏM
A- A+

Ermənilər Avronest PA-da təxribat törətdi

Avronest Parlament Assambleyasının Tbilisidə keçirilən VIII plenar sessiyasında Ermənistan nümayəndə heyəti təxribata əl atıb.

Adalet.az Report-a istinadla xəbər verir ki, toplantıda Ermənistan nümayəndə heyətinin rəhbəri çıxışı zamanı "Dağlıq Qarabağ xalqı” və "Artsax” ifadələri işlədib.

Qondarma "erməni soyqırımı”nı da qeyd edən ermənistanlı deputat sessiya iştirakçılarından törədilmiş bütün soyqırımı qurbanlarının xatirəsinin bir dəqiqəlik sükutla yad edilməsini təklif edib.

Ermənistan deputatının bu müraciətindən sonra yalnız bir neçə deputat ayağa qalxıb. Ermənistan nümayəndə heyətinin rəhbəri tribunanı tərk edəndən sonra Rumıniyadan olan nümayəndə onun xahişini bir daha səsləndirib. Bundan sonra sessiya iştirakçıları ayağa qalxıb.

Sessiyada çıxış edən Milli Məclisin üzvü Tahir Mirkişili çıxışında soyqırım qurbanlarının anılması tendensiyasını müsbət qiymətləndirib. Qeyd edib ki, Ermənistan silahlı birləşmələri Xocalıda soyqırım törədiblər.

Deputat həmçinin beynəlxalq ictimaiyyəti Azərbaycanın işğal altında olan ərazilərində qeyri-qanuni saxlanılan Dilqəm Əsgərov və Şahbaz Quliyevin girovluqdan azad edilməsinə dəstək göstərməyə çağırıb.