Bakı 21°C
Əbülfət MƏDƏTOĞLU: BAŞQA KİMƏ SIĞINIM
Çiçəksən - tər yerdəsən
Ruh kimi hər yerdəsən...
Göydə Allah , yerdə sən -
Başqa kimə sığınım?!
Dodaqdakı balınla -
Ömürsən , hər halınla...
Mən bu ürək zalımla ,
Başqa kimə sığınım?!
Haqsan, mən də bəndənəm
Sənlə yarı - lap tənəm!
Paralanmış vətənəm -
Başqa kimə sığınım?!
Bəxtim yönü günədi,
Baxma sısqa - künədi!
Səndən tək bir dənədi -
Başqa kimə sığınım?!
Nuhdan öncə Azıxdı
Sinəm ləklək - qazıxdı...
Bu Əbülfət yazıxdı -
Başqa kimə sığınım?!
